Rrjeti informativ francez BFMTV ka shkarkuar prezantuesin e tij kryesor Rachid M'Barki për influenca të jashtme në punën e tij, sipas mesazheve të kompanisë të para nga rrjeti AFP. Hetimet zbulonin se procesi editorial nuk ishte ndjekur për disa lajme ‘investigative’ të programeve të tij në vitet 2021 e 2022, në lidhje me tema si oligarkët rusë, Katarin apo Saharanë Perëndimore. Lajmi i vitit të kaluar sugjeronte se sanksionet e vendosura ndaj oligarkëve rusë po dëmtonin rëndë industrinë e jahteve në principatën e Mesdheut. Kur një gazetar i kërkoi BFMTV të dinte burimin e këtij dhe disa temave të tjera investigative, M’Barki u pezullua. Programi i Rachid kishte pasur lidhje me kompaninë e dyshimtë izraelite të njohur si "Team Jorge" që ka influencuar zgjedhjet në vende të ndryshme për llogari të klientëve të saj. Grupi “Team Jorge” shet shërbime informacioni me anë të hakerimit, si ndaj klientëve politikë apo bizneseve që duan të ushtrojnë influencë në fushatat e tyre mediatike. Pamjet: AFP