Rreth 29 mijë maturantë që kanë plotësuar formularët A1 dhe A1Z duke filluar që nga 15 korriku, nisin procedurat për të aplikuar në një nga 40 Institucionet e Arsimit të Lartë publik apo privat në vend, sipas kalendarit të publikuar nga Ministria e Arsimit. Duke filluar nga data 15 korrik portal U-Albania është I aksesueshëm për të gjithë ata maturantë që kanë plotësuar forlurarin A1 dhe A1Z në këtë vit akademik. Nga data 15 deri në 29 vijon procesi administrativ me mandat-pagesën, shkuarja pranë shkollës me pagesën e bërë dhe konfirmimi nga mësuesit në portal. Maturantët duhet që ta ruajnë mnadat-pagesën, sepse aty do të ketë një kod unik, I cili përdoret gjatë procesit të aplikimit me formularin A2 për të konfirmuar aplikimi e tyre në portal. Në datën 30 korrik do të hapet portali për 6 ditë I hapur 24 orë pa ndalim dhe maturantët do të hedhin 10 preferenca.