Republika Domenikane ka nisur ndërtimin e një muri kufitar 160 kilometra të gjatë që synon ta mbrojë nga emigracioni ilegal nga Haiti fqinj. Megjithë kontestimet e lëvizjes, presidenti Luis Abinader, tha se muri do të kontrollojë emigracionin dhe krimin. "Ne jemi të vendosur për të ndërtuar murin, nga i cili do të përfitojnë të dyja vendet, prej kontrollit të trafikut të njerëzve, drogës dhe armëve”, tha ai. Republika Domenikane dhe Haiti ndajnë ishullin Epsnjolia në detin e Karaibeve por Haiti mbetet kombi shumë i varfër. Presidenti tha se 54 kilometrat e para të murit do të ndërtohen në zonat më të papopulluara dhe do të ketë 19 kulla vrojtimi dhe 10 porta për patrullim. Projekti është një investim prej 31 milionë dollarë dhe prite të zgjasë nëntë muaj. Muri do të mbulojë 160 nga 380 kilometra të kufirit mes dy vendeve. Shumë haitianë punojnë në mënyrë të parregullt në Republikën Domenikane, në sektorët e ndërtimit dhe tregtisë ambulante. Ministri domenikan i mbrojtjes Gjeneral Carlos Díaz tha se muri do të jetë 3.90 metra i lartë dhe 20 centimetra i gjerë.