Gjendja shëndetësore e Papa Françeskut, i cili është shtruar në spital për më shumë se një javë, mbetet në gjendje “kritike”. Gjatë orëve të fundit situate është rënduar, pasi Vatikani njoftoi se Papa pësoi një krizë në frymëmarrje. “Këtë mëngjes Papa Françesku u paraqit me një krizë respiratore astmatike me përmasa të zgjatura, e cila kërkonte edhe aplikimin e oksigjenit në flukse të larta. Ndërsa Françesku vazhdon të jetë vigjilent, ai ka më shumë dhimbje se dje”, shkruhej në deklaratë. Ai gjithashtu mori transfuzion gjaku sot për të trajtuar aneminë”, shkroi Vatikani për Papën e sëmurë që po trajtohet për pneumoni. Në detajet e zbuluara nga Vatikani tregohet se ai do të qëndrojë i shtruar në spital pas diagnozës së tij të pneumonisë dhe nuk do të kryejë lutjen javore, për herë të tretë që pas marrjes së detyrës si kreu i Vatikanit.