Pasuria neto e Elon Musk, e vlerësuar në 839 miliardë dollarë, e bën atë njeriun më të pasur të regjistruar ndonjëherë. Sipas renditjes tradicionale të pasurive neto të “Forbes” që nga 1 marsi 2026, themeluesi i Tesla dhe SpaceX është në krye për të dytin vit radhazi, pasi pasuria e tij u rrit me afërsisht 500 miliardë dollarë në dymbëdhjetë muajt e fundit, e nxitur nga vlerësimet në rritje të kompanive të tij. Donald Trump u ngjit në vendin e 645-të, nga vendi i 700-të vitin e kaluar. Kriptomonedhat "e tij" i kanë lejuar atij të ngjitet 55 vende në 12 muaj në listën prestigjioze të njerëzve më të pasur. Të dhënat tregojnë se Elon Musk Musk është personi i parë që tejkalon shifrën e 800 miliardë dollarëve dhe është në rrugën e duhur për t'u bërë personi i parë në botë që arrin shifrën e 1,000 miliardë dollarëve. Ai i kapërceu vështirësitë e tregut të aksioneve me të cilat u përballën kompanitë e tij gjatë impenjimit të tij ndaj projektit “Doge” për të ulur kostot për qeverinë amerikane dhe për të mbështetur administratën “Trump”. Po kush qëndron pas Musk? Janë bashkëthemeluesit e Google, Larry Page (257 miliardë dollarë) dhe Sergey Brin (237 miliardë dollarë), të cilët u renditën në vendin e dytë dhe të tretë me tre herë më pak pasuri se Musk. Ndërkohë, themeluesi i Amazon, Jeff Bezos, ishte i katërti me 224 miliardë dollarë, dhe CEO i “Meta”-s, Mark Zuckerberg, i pesti me 222 miliardë dollarë. Sipas renditjes aktuale botës i janë shtuar rreth 400 miliarderë më shumë sesa një vit më parë. Kjo rritje e numrit të tyre është nxitur edhe nga përparimet në inteligjencën artificiale.