Demokratët ndryshuan mendje. Nuk do te bojkotojne as reformen territoriale dhe as atë zgjedhore. Sali Berisha i beri ballë presionit te Taulant Ballës, por u dorëzua para deputeteve që i kërkuan të terhiqet dhe mos përsërisë gabimet e Lulzim Bashës. Ne bllok, Ina Zhupa, Eno Bozdo, Oerd Bylykbashi, Arjan Ndoja, Xhelal Mziu, Tritan Shehu dhe Bledjon Nallbati e te tjere u rreshtuan kunder bojkotit te reformave. Eno Bozdo, deputet PD: Që ata do bëjnë çfarë duan ata, ne këtë e kemi të qartë, por ne duhet të shfrytëzojmë pjesëmarrjen tonë për të "grisur" reformën që kanë bërë. Kemi argumentet dhe ekspertizën më te mirë për të zhbërë atë çfarë kanë bërë. Nëse refuzojnë dhe ecin me kokëfortësi, ne mund të tërhiqemi. Ina Zhupa, deputete PD: Nuk duhet të lëmë hapësirën bosh, të jemi aty për qytetarët. Votat nuk i kemi, por e kemi zërin tonë aty dhe kjo do të ketë rezonancë si te qytetarët, ashtu edhe te ndërkombëtarët, duke bërë propozime konkrete. Ne duhet të jemi shumёdimensionalë: edhe protestat t’i bëjmë, edhe në reforma të jemi prezentë, edhe analizën, edhe zgjedhjet.