Listat e hapura, Vettingu për politikanët, barazia e votës, vota e diasporës, një president i zgjedhur nga Populli dhe heqja e imunitetit për parlamentarët në ndjekje penale janë 6 shtyllat kryesore, ku kryetari i Partisë Demokratike Lulzim Basha mbështeti prezantimin e tij për Reformën Zgjedhore. SINK BASHA“Për Partinë Demokratike, kjo nuk është thjeshtë vetëm një mundësi për të trajtuar problemet e bëra mullar nga zgjedhjet e kontestuara. Por edhe një mundësi për të shtrirë horizontin drejt një kushtetute të re. Ne shtrijmë sot dorën ndaj çdokujt që të lënë mënjanë ndasitë e të bëhemi bashkë për një reformë të rëndësishme” Basha u shpreh se pabarazia e votës në Shqipëri merr fund vetëm duke iu dhënë kuptim listave të hapura. SINK BASHA“Vetingu i politikanëve garanton që listat e hapura të mos kthehen në ankand për pastrimin e parave kriminale. Listat e hapura marrin kuptim nëse i japim fund pabarazisë së votës. Shqipëria një zonë elektorale si Kosova, në daçi si vendet e BE. Të hapur edhe për ndarje me 3 ose 4 zona elektorale. Rëndësi të ketë barazia të votës Ndërsa vota e diasporës për Bashën merr kuptim vetëm përmes votimit elektronik. SINK BASHA“Kanë mbaruar alibitë për të mos iu njohur të drejtën e votës shqiptarëve që jetojnë jashtë vendit. Votimi elektronik ua mundëson këtë. Shmanget abuzimi që shkakton votimi në ambasadë apo me postë. Shpikja me regjistrin e emigrantëve, rezultoi një tjetër grykë shishje për të bllokuar votimin e tyre. Nuk ka nevojë për regjistër, ata janë në gjendjen civile” Krizat politike, tha Basha e kanë zanafillën tek heqja e kompetencave të kreut të shtetit. SINK BASHA “Që nga 2008 kur i hoqën një nga një dhëmbët dhe dhëmballët presidentit të Republikës, vendi është përballur me kriza të herëpashershme. Kthimi i Presidentit të Republikës me kompetencat që iu hoqën në vitin 2008, është prioritet i PD-së, ashtu siç është prioritet edhe heqja e imunitetit atyre që hetohen nga SPAK. Presidenti duhet të zgjidhet drejtpërdrejt nga populli”. Kryedemokrati propozoi në fund heqjen e imunitetit për çdo deputet që hetohet nga Prokuroria Speciale.