Kryeministri Edi Rama shprehu edhe një herë bindjen për anëtarësimin e Shqipërisë në BE brenda kësaj dekade. Në takimin e nivelit të lartë me praninë e ambasadorëve të akredituar në Shqipëri, për procesin e thellimit të reformave të mirëqeverisjes, sundimit të ligjit dhe antikorrupsioni, ai u ndal edhe te deklarata e ambasadorit të delegacionit të BE në Shqipëri, Silvio Gonzato i cili thotë “të gjithë forcat bashkë”, ku shtoi se është e pamundur për të pasur një mendje për reformën në drejtësi në Shqipëri. “Ambicia jonë është ta ta anëtarësojmë vendin brenda kësaj dekade, shtuar edhe plani i dakordësuar shumë agresiv së bashku me KE që t’i përfundojë detyrat brenda 2027. Në tryezën e negociatave, BE nuk negocion me qeverinë, por me Shqipërinë. Në këto masa, reforma në drejtësi, paprekshmërinë e saj e garanton PS, që është forca e shumicës qeverisëse. E kuptoj Silvion kur thotë ‘të gjitha forcat’, por kemi pamundësi për të pasur një mendje për reformën drejtësi" Pak më herët, Ambasadori i Bashkimit Evropian në Tiranë, Silvio Gonzato theksoi se Shqipëria ka një mundësi historike për anëtarësimin në BE, ndërsa u shpreh se parimi udhëheqës duhet të jetë pakthyeshmëria e reformës në drejtësi. Nga këndvështrimi ynë është thelbësore që rekomandimet të jenë të përputhje me raportin e monitorimit dhe angazhimet në kuadrin e BE. S’kemi nevojë të shpikim rrotën nga e para, rruga është e qartë. Sa i përket sektorit të drejtësisë parimi udhëheqës duhet të jetë pakthyeshmëria e reformës në drejtësi e sidomos e arkitekturës së saj institucionale. Të vijojë të forcojë pavarësinë e magjistratëve për të konsoliduar llogaridhënien.