Kryeministri Edi Rama ndodhet në Paris me ftesë të Emmanuel Macron, për të marrë pjesë në Forumin e Paqes. Ai është pritur në një darkë zyrtare nga presidenti i Francës në Pallatin Elize dhe nga pamjet e publikuara nga në rrjetet sociale, shfaqet momenti kur kryeministri, i shoqëruar nga bashkëshortja e tij, Linda, është pritur nga Macron me një përqafim të ngrohtë. Më herët, në një intervistë të dhënë për “politico.eu” Rama foli për mënyrën se si përdorimi i inteligjencës artificiale do të përshpejtojë anëtarësimin e vendit në Bashkimin Evropian dhe do të luftojë korrupsionin. Kur Open AI (Chat Gpt), doli në fillim e dinim se një në 4 veta është shqiptar dhe ne e telefonuam Mirën. Patëm një bisedë të mirë dhe i thashë po të telefonoj për të na ndihmuar për të luftuar korrupsionin dhe për të përshpejtuar anëtarësimin e Shqipërisë në BE. I thashë, nuk po bëj shaka, sepse po përjetoj nga afër dhe kam një ide. Mund të funksionojë, mund edhe të mos funksionojë. Ajo tha: ‘OK, po të dëgjoj’”.