Kryeministri Edi Rama gjatë mbledhjes që kishte me ministrat Turizmit, Drejtësisë dhe atë të Brendshëm, ku u diskutua për mbrojtjen e Territorit nga ndërtimet pa leje i kërkoi të gjithë drejtuesve të policisë në qarqe, që të jenë të vëmendshëm dhe të mos lejojnë ‘lulëzimin’ e ndërtimeve pa leje, sidomos në zonat turistike. Rama tha se është i papranueshëm fakti që një polic shkon në një zonë të thellë rurale për të kapur ndërtimet pa leje, ndërsa përgjatë rrugës nga Velipoja në Sarandë, edhe pe ka ndërtime pa leje i njëjti polic i zellshëm nuk ndërhyn. Kryeministri theksoi se fokusi duhet të jetë te zonat turistike ku hidhen gurë në bregdet për të ndërtuar biznese pa leje, ndërsa atyre në zonat e thella rurale u duhet thënë faleminderit që po rregullon avllinë e jo të shkosh ta gjobisësh.