Kryeministri Edi Rama është nderuar me medalje nga presidenti i Emirateve të Bashkuara Arabe, Sheikh Mohammed bin Zayed al Nayan. Në reagimin në rrjetet sociale, Rama shprehur se ishte surprizë e paimagjinueshme nga presidenti i Emirateve të Bashkuara Arabe. “Thellësisht i prekur prej surprizës së paimagjinueshme dhe nderimet të jashtëzakonshëm nga presidenti i Emirateve të Bashkuara, Sheikh Mohammed Bin Zayed Al Nahyan. Akordimi i medaljes më të lartë të vendit mik, e cila mban emrin e themeluesit të Emirateve të Bashkuara, Sheikut Zayed, është respekti dhe vlerësimi më i madh për një kryeministër shqiptar, që e mora përulësisht plot me krenari për Shqipërinë, e me mirënjohje të thellë për mikun e madh të shqiptarëve, lartësinë e tij Sheikh Mohammed Bin Zayed, si edhe për çdo shqiptar që ma ka besuar udhëheqjen dhe përfaqësimin e atdheut tonë të përbashkët”-shkruan Rama.