Kryeministri Edi Rama ishte i pranishëm sot në prezantimin e raportit të OECD për rezultatet e TALIS, Anketës Ndërkombëtare të Mësimdhënies dhe të Nxënit, ku Shqipëria renditet ndër vendet e para. Gjatë fjalës së tij, Rama tha se në anketimin për mësimdhënien mes 55 sistemeve arsimore në Bashkimin Europian, mësuesit e Shqipërisë kanë rezultate të mira dhe ky është lajm i mirë. “Lajm i mirë për prindërit, në një anketim për mësimdhënien mes 55 sistemeve arsimore në Bashkimin Europian, mësuesit tanë kanë dalë mirë. Kjo është në radhë të parë merita juaj, por nga ana tjetër është një pasqyrë e përpjekjes që kemi bërë së bashku. Është anketë sfiduese. Ndihemi krenarë për ju dhe gjithë mësuesit e Shqipërisë. Në një anketim kaq sfidues, kemi falë me rezultat domethënës pozitiv. Në një grup vendesh që nuk janë vende të dorëz së dytë siç edhe e dini. Nga ana tjetër ka disa të dhëna pozitive shumë inkurajuese, edhe sa i përket objektivave që kemi. Na vjen mirë të shohim që përpjekja që kemi bërë ka dhënë rezultat. Rivënia e autoritetit të mësuesit, është sfidë shumë e madhe”-u shpreh Rama.