Kryeministri Edi Rama ka zhvilluar një konferencë të përbashkët me presidentin e Këshillit Europian, Antonio Costa, i cili ndodhet në Shqipëri në kuadër të samitit të Komunitetit Politik Europian që do të zhvillohet nesër në Tiranë. “Presidenti i këshillit Europian është përsëri në Tiranë, kjo është një kënaqësi e veçantë për ne dhe kënaqësi të ritakohem me presidentin, i cili është një mik i dashur dhe shumë i mençur. I dashur Antonio, shumë faleminderit. Ne jemi këtu sot pasi presidenti ka vizituar të gjithë rajonin dhe është ndalur në Tiranë dhe për faktin se nesër do të jetë i pranishëm në samitin e komunitetit politik europian. Natyrisht që diskutuam për të dyja aspektet që na lidhin me Këshillin Europian për aspektin e procesit tonë të rrugës drejt anëtarësimit që po ecën shumë mirë. Sot Shqipëria është në tryezë me 16 kapituj të hapur, 8 të tjerë do hapen në ditët në vijim. Siç e kam ndarë edhe publikisht, plani i përbashkët është që të arrijmë të mbyllim negociatat në harkun e tre viteve. Është një plan ambicioz dhe një mundësi e jashtëzakonshme për ne pasi janë rreshtuar yjet dhe BE sot si asnjëherë më parë është shumë i dëshuar të pranojë antarë të tij bazuar në meritë dhe në rezultat. Aspekti tjetër, ecuria në rajon, kjo është e lodhur me arsyen pse BE është në gatishmëri për të pranuar anëtarët e tjerë dhe unë dëshiroj të përfitoj nga rasti, kjo do të jetë pjesë e diskutimit që t’i ftoj të gjithë kolegët e rajonit të mos e humbasin këtë moment që historia na e ka sjellë në derë”-u shpreh Rama.