Kryeministri i vendit, Edi Rama në takimin që ka zhvilluar me të rinj e të reja në Kamëz ka folur edhe për ftesën që i bëri ditën e djeshme kryedemokratit Basha për bashkëpunim, pas zgjedhjeve të 25 prillit, të cilën ky i fundit e refuzoi. Rama thotë se është i gatshëm të bashkëpunojë me Lulzim Bashën por vetëm me një kusht: të ndahet nga Sali Berisha dhe Ilir Meta. Kreu i qeverisë shton më tej se përgjigja e Bashës nuk është asgjë tjetër veçse pohimi i faktit se ai nuk është një lider dhe një udhëheqës por një udhë ndjekës i Saliut dhe Ilir Metës. Kryeministri deklaron se ai është i gatshëm të bashkëpunojë përtej ndasive të 30 viteve për hir të shqiptarëve dhe Shqipërisë, duke shtuar se për të bërë këtë duhet të jesh një lider dhe një udhëheqës me vizion për të ardhmen. “Unë i them dje një gazetari te ura Fshat, më pyet për si do ndodhi po qe se nuk merrni votat. I them: PS do ti fitojë zgjedhjet, kjo nuk diskutohet por çështja nuk është do fitojë apo jo, çështja është si ne do shkurtojmë kohën, do afrojmë të ardhmen, do ta prekim të ardhmen shumë më shpejt se përndryshe do ta prekni nëse nuk do të bëheshim bashkë.