Kryesocialisti Edi Rama përpara grupit parlamentar socialist dha orientimet e fundit se si do të marrë formë lista finale e kandidatëve për deputetë në parlamentaret e 11 Majit. Duke analizuar formulën e shpalosur prej Edi Rama në listën e mbyllur me 46 vende në 12 qarqe në zonën e sigurt për të dalë deputet do jenë drejtuesit politik në total 9 pasi për 3 qarqe Durrësi, Berati dhe Shkodra, drejtohen nga kryebashkiakët. Sikurse drejtuesi politik i diasporës Taulant Balla. 35 vendet e mbetura në listën e mbyllur do të plotësohen me deputete aktuale gra, figura të reja nga kabineti qeveritar, platforma “deputeti që duam” dhe dipaspora.. Përjashtuar drejtuesit politik burra në listën e mbyllur, të gjithë deputetët me një mandat e sipër, praktikisht të gjithë burrat deputetë të PS do të jenë në fushëbetejën e listës së hapur. Konkurrenca kwshtu do tw jetw jo vetwm me kundërshtarin politik, por edhe brenda familjes socialiste. Janë 39 deputetë aktualë burra në garë në listën e hapur nëse do tw pwrzgjidhen nga drejtuesit politikw ose ndonjëri prej tyre do t’i thotë jo vendimit të Ramës për të garuar në istën e hapur. Vlen për tu parë nëse kjo formulë e Ramës do të jetë e aplikueshme edhe për deputetët senatorë me tre mandate si Erion Brace, Fatmir Xhafaj, Pandeli Majko, Petro Koci Paulin Sterkaj apo Damian Gjiknuri. Vetw Rama tregoi se nuk e ka vendosur ende nëse do të kandidojë për deputet në parlamentaret e 11 Majit.