Pa shumë zhurmë dhe larg syrit të medias socialistët dhe demokratët kanë intesifikuar përpjekjet për gjetjen e një pakti te ri për ndryshimin e kodit elektoral në mënyrë që vota e diasporës të mos bllokohet për shkak të afateve kohore të pamjaftueshëm. 24 orë para nisjes zyrtare te procesit të regjistrimit te diasporës, Sali Berisha konfirmoi negociatat me partinë socialiste per votuesit nga jashte. SALI BERISHA: Di që janë në negociata. Di që po zhvillohen negociata. Nuk e di te them ne cilin stad janë. Sali Berisha konfirmoi votën pro te demokrateve per cdo ndryshim ne favor te lehtësimit te votës se diasporës. Kryedemokrati nuk dha detaje per çështjet qe janë ne tryezën e bisedeimve, por Top Channel ka mësuar se po vlerësohet mundësia e afrimit me 10 ditë e afateve të regjistrimit të subjekteve politik, kandidatëve dhe koalicioneve në mënyrë që fleta e votimit te prodhohet më shpejt, për ti dhënë më shumë kohe postës për kthimin e zarfit me votën e emigrantëve brenda afatit zyrtar. Ndërhyrja e dytë, ka të bëjë me reflektimin e ndryshimit në kod, që koston e kthimit te fletës së votimit e merr persipër shteti dhe jo emigranti. SALI BERISHA: Kërkesat e arsyeshme që shkojnë në favor të transparencës dhe mundësisë së votës së diasporës do miratohen nga ne, qoftë edhe në rast se do duhen ndryshime të tjera ligjore. Në mbledhjen e parë të grupit parlamentar për këtë vit Sali Berisha kritikoi deputet për punën e pamjaftueshme që po bëjnë me diasporën duke lene porosi dhe detyra konkrete per secilin deputetët. SALI BERISHA: Grupi parlamentar, çdo deputet është i ftuar të koordinojë me qendrën këtu, çdo takim të mundshëm që mund të organizojë me emigracionin. Secili duhet të marrë përsipër të paktën të trefishojë votën e tij, edhe me dy vota të tjera nga diaspora. Këtë të shtunë nis zyrtarisht procesi i regjistrimit te diasporës ne, nderkohe që emigrantet që duan të marrin pjese ne zgjedhjet e pranverës kane afat per tu regjistuar ne faqen online te KQZ deri me 4 mars..