Në kuadër të fushatës elektorale për zgjedhjet parlamentare të 11 majit, kryetari I Partisë Socialiste, Edi Rama zhvilloi një takim me gratë dhe vajzat e qarkut të Durrësit. 9 mandate deputësh është synimi i socialistëve nga ky qark, duke cilësuar si një rekord ktrahasuar me zgjedhjet e mëparshme. “Dua të them se kur shok këtë pamje, plasi syri i keq aty, plasi, plasi. Tani kam besim se mandati i nëntë këtu u sigurua... Po sa me inat na shohin mor aman. Sa zili na kanë dhe sa më shumë me inat na shohin, aq më shumë zhyten...! Teksa kërkon të qeverisë edhe në mandatin e katërt, nga ky qark Rama rreshton edhe investimet që janë kryer por dhe do të vijojnë në Durrës. “Ja tek është Durrësi që po ndërtohet, ka plotë kantiere, vetëm sot vizituam 4 prej tyre dhe vazhdohet. Kur morëm mandatin e tretë thashë do mbështesim Durrësin dhe do investohet si asnjëherë tjetër dhe u bë. Përjashto tërmetin dhe ja ku është, u investua. Kujtoj historinë e ujit të pijshëm që nuk kishte ujë 24 orë, teksa sot jemi në Durrës në nivelin më të mirë të furnizimit me ujë, kemi zona me 24 orë ujë dhe me investimin përfundimtar, ku janë bërë gati projektet, ne do e përmbyllim mandatin e katërt edhe këtë problematik dhe Durrësi s’do ketë më probleme me ujin e pijshëm në asnjë zonë.” Kryesocialiti I konsideron të sigurta mandatet në zgjedhjet e 11 majit. Por synimi duhet të jetë anëtarësimi në BE që sipas tij do të realizohet me mandatin e ardhshëm.