Demonstruesit dogjën dy automjete patrullimi në shtetin jugor meksikan të Guerrero të shtunën gjatë protestave për vdekjen e fundit të një studenti nga duart e policisë. Automjetet u dogjën në një autostradë në komunën e Tixtla. Mediat lokale raportuan se automjetet i përkisnin Gardës Kombëtare dhe se protestuesit kishin ndaluar efektivët për pak kohë. Protestat nisën pasi një student u qëllua për vdekje dhe një tjetër u plagos në një konfrontim me policinë në Guerrero të enjten. Presidenti Andres Manuel Lopez Obrador tha më parë se dyshja po udhëtonin me një makinë të vjedhur kur policia i urdhëroi ata të ndalonin dhe se burrat në makinë kishin hapur zjarr të parët. Sipas sekretariatit të sigurisë publike Guerrero, në automjet u gjet një armë zjarri. Disa, megjithatë, kanë hedhur poshtë versionin zyrtar të dhënë nga autoritetet. Të shtënat janë nën hetim nga Prokuroria e Përgjithshme dhe Prokuroria e Shtetit. Portesta u zhvillua në një sfond tensionesh të ndezura për rastin e 43 studentëve nga i njëjti kolegj, të cilët u zhdukën gati një dekadë më pare dhe që mendohet se u rrëmbuen nga një kartel droge I cili bashgkëpunon me policinë. Rrethanat e sakta të zhdukjes së tyre nuk dihen ende, por një komision i së vërtetës i ngritur nga qeveria e ka cilësuar rastin një "krim shtetëror", duke thënë se ushtria ndau përgjegjësinë, drejtpërdrejt ose nga pakujdesia. Pamjet: AFP