Prokuroria Themelore në Prishtinë ka njoftuar se Prokurori i Shtetit ka nisur hetimet për veprën penale sulmi” lidhur me tensionet dhe përleshjet fizike në Kuvendin e Kosovës. Në njoftim është bërë e ditur se Prokurori i shtetit ka autorizuar gjithashtu Policinë të ndërmarrë të gjitha veprimeve të nevojshme hetimore, përfshirë po ashtu marrjen e deklaratave të deputetëve të përfshira në këtë incident. “Prokuroria në koordinim të plotë me Policinë e Kosovës, do t’i ndërmerre të gjitha veprimet konform dispozitave ligjore, deri në sqarimin e plotë të çështjes në fjalë”, është theksuar në njoftim. Incidenti në Kuvend ndodhi në momentin kur Kryeministri Kurti po fliste për marrëveshjen e nënshkruar në Bratisllavë për ctensionimin e marrëdhënieve me Serbinë. Dy deputetët e PDK-së, Mërgim Lushtaku dhe Hajdar Beqa kanë hedhur fillimisht ujë ndaj Kurtit dhe Bislimit dhe më pas përplasja ka agravuar në dhunë fizike mes deputetëve të LVV-së dhe PDK-së.