Top Channel/ Prodhuesit, si do deklarohen faturat, sqarimi i detajuar nga Tatimet
15/07/2025 19:39

Pas nisjes së aksionit në terren për të verifikuar zbatimin e fiskalizimit në tregjet me shumicë dhe pakicë të produkteve bujqësore dhe blegtorale, Administrata Tatimore ka sqaruar në mënyrë të detajuar hapat që duhet të ndjekin tatimpaguesit për të lëshuar faturat për blerjet nga fermerët vendas. “Tatimpaguesit duhet të përdorin opsionin ‘autofaturë’ në sistemin e fiskalizimit, duke zgjedhur llojin e faturës ‘Blerje nga fermerët vendas’. Në faturë duhet të përfshihen emri, NIPT-i i fermerit dhe përshkrimi i mallrave të blera, pa përfshirë TVSH-në.” Tatimet sqarojnë se kategoria e fermerëve të regjistruar në Drejtoritë Rajonale Tatimore nuk ka detyrim të mbajë kontabilitet, të deklarojë dhe dorëzojë në Administratën Tatimore Formularin e Deklarimit dhe Pagesës së Tatimit mbi të Ardhurat Personale nga Biznesi apo Deklaratën Vjetore të të Ardhurave Personale për të ardhurat e realizuara nga aktiviteti i fermerit. Ndërmarrja e një sërë procedurash të tilla, sipas ekspertëve të bujqësisë, për formalizimin e tregut është një nevojë e veçantë për sigurinë ushqimore dhe përmbushjen e kritereve të BE-së. “Ne presim që së shpejti të hapet edhe grup-kapitulli i fundit që lidhet me bujqësinë dhe sigurinë ushqimore. Do të kemi rregulla dhe procese shumë më ndryshe nga çfarë kemi pasur deri tani. Këto janë probleme që paraqesin problematika në sigurinë ushqimore dhe secili duhet të jetë i ndërgjegjshëm dhe të kuptojë që integrimi evropian na vendos përpara disa sfidave. Flasim për Evropën dhe siguria ushqimore e konsumatorëve është çështje parësore. Nuk mund të tregtosh produkte pa faturë, jo vetëm nga ana financiare, por edhe produkte që paraqesin problematika për sigurinë ushqimore”, shprehet eksperti për bujqësinë, Ilir Pilku. Sipas ekspertëve, është koha që tregtimi i produkteve ushqimore të bëhet sipas standardeve. “Në produktet blegtorale nuk mund të tregtosh produktin pa pasur një biznes të caktuar dhe që duhet të funksionojë në kushte të caktuara. Duhet të hiqet nga mendimi që mund të tregtosh qumësht në treg jo vetëm pa faturë, por edhe pa mënyrën e duhur të tregtimit. Është një çështje që do të vijë duke u shtuar, në kuptimin e intensifikimit të rregullave. Duhet të mësohemi me rregulla të reja, fermerët duhet të bashkëpunojnë me njëri-tjetrin që në mënyrë kolektive ta dërgojnë qumështin në pikat e grumbullimit”, shton Pilku. Administrata Tatimore jep gjithashtu një sqarim edhe për tregtarët ambulantë, të cilët sipas saj, nëse janë të regjistruar, nuk kanë detyrim për të lëshuar faturë tatimore dhe as për të mbajtur dokumentacion tatimor për mallrat apo shërbimet që tregtojnë. Teksa të gjitha institucionet përgjegjëse janë angazhuar në këtë proces formalizimi, Ministria e Bujqësisë sqaron se masa të tilla kanë për qëllim mbështetjen e fermerit dhe zhvillimin e sektorit.

Top Channel/ Më pak kredi turizmi e ndërtimi, bizneset morën 19.1 miliardë lekë hua nga bankat
30/08 19:47
Top Channel/ 40.8 mld lekë kredi për shtëpi, çfarë i nxiti qytetarët të merrnin më shumë hua
29/08 19:51
Top Channel/ Kush konsumoi më shumë energji? INSTAT: Në 2025 u prodhua më pak energji
27/08 19:46
Top Channel/ Rikthehen skemat piramidale online! Qindra shqiptarë pre, ja si funksionojnë
27/08 19:45
Top Channel/ Energjia, ulen humbjet. Zv.kryeministrja Balluku: konsum rekord
22/08 19:46
Top News – Inflacioni sipas metodës së BE. Në korrik ishte poshtë parashikimit të BSH
20/08 20:00
Top Channel/ Domatja e thatë, receta e gjysheve! Nga tokat shqiptare në tregjet italiane
16/08 15:25
Top Channel/ Banka mbledh 500 milionë euro, por monedha vazhdon rënien, arrin në 97.22 lekë
09/08 15:04
Top Channel/ Paga, Shpërblime, orare fleksibël, strategjia e reformës në administratë deri në 2027
09/08 15:03
Top Channel/ Inflacioni u rrit në 2.5%! Rritja e turizmit ka rritur konsumin dhe çmimet
08/08 15:07
Top Channel/ “Turizmi ndihmoi ekonominë”/ Sejko: Rritje pozitive ekonomike
06/08 19:36
Top Channel/ Gushti fundos Euron/ Bie në 97.3 lekë, niveli më i ulët i arritur ndonjëherë
05/08 19:35
Top Channel/ Skema e investimeve! Ministrat Malaj e Denaj takojnë fermerët për 9 masat mbështetëse
04/08 19:50
Top News – Leku ‘mbush’ bankat. Monedha e preferuar për depozitat bankare
02/08 13:16
Top Channel/ Himara, 83 plazhe publike! Vendosen edhe çadra publike falas për pushuesit
02/08 12:26
Top Channel/ Skema e investimeve, nisin aplikimet. Denaj: Në dispozicion 20 mln euro
30/07 15:35
Top Channel/ 4.7 milionë turistë në 6 muaj! Ekspertët: Prisnim edhe më shumë
25/07 20:07
Top Channel/ Ekskluzive: SEPA dhe nisma “Cashless”,guvernatori Sejko sqaron formalizimin e ekonomisë
25/07 15:46
Top Channel/ Ekonomi pa para cash, Sejko sqaron për TCH planin e qeverisë
24/07 19:41
Top News – Rivlerësimi i pasurive në vitin 2026. Tatimi 5 %, përafrohet vlera e pronës me tregun
23/07 20:15