Një shqiptar është dënuar me dy vite e tetë muaj burg në Angli, për prodhim dhe shitje të lëndëve narkotike. Bëhet fjalë për Mirban Pashën, 34 vjeç, i cili ra në pranga më 30 mars të këtij viti pas kontrolli të rastësishëm. 34-vjeçari shqiptar, i cili banonte në zonën e Sudbury, u deklarua fajtor për posedim dhe shitje të drogës, përkatësisht kokainë, ku iu sekuestrua edhe një sasi e madhe parash. Të premten më 12 korrik, gjykata e dënoi atë me 28 muaj burg për posedim dhe shitje droge, dhe katër muaj të tjera për posedim të pasurisë të përfituar nga krimi. Kur u arrestua në muajin mars, policia angleze ushtroi kontroll në zonën ku ai banonte, dhe gjeti një sasi të madhe drogë dhe mbi 8 mijë e 700 paund. Sipas autoriteteve britanike nga hetimet dhe kontrollet në telefonin e tij u gjetën mesazhe që e impikonin atë me furnizimin me drogë.