Të gjithë banorët që humbën shtëpitë nga zjarri, do iu rindërtohen falas nga shteti. Premtimi u bë nga kryeministri Edi Rama, i cili gjithashtu ritheksoi se do rifinancohet edhe çdo krerë bagëti. “Kujt humbi shtëpinë do t’ia rindërtojmë falas dhe kujt humbi krerët do t’ia rifinancojmë një më një”, shkruan kryeministri Rama, duke shtuar se “Vlerësimi dhe kompensimi i dëmeve të shkaktuara nga zjarret do të realizohet në çdo bashki të prekur, sipas një procedure të veçantë, e cila nis me evidentimin e tyre nga Grupi i Konstatimit për inventarizimin e dëmeve”. Kreu i qeverisë sqaron se grupi i ngritur në terren do të verifikojë dëmet në banesa infrastrukturë, biznese, kultura bujqësore, mjete mekanike, objekte social-kulturore dhe do të plotësojë formularët me kostot financiare. Më pas, thekson kryeministri, “bashkitë përgatisin listat për subjektet e dëmtuara dhe dokumentacionin përkatës dhe pas vlerësimit financiar përcaktohen koston e kompensimit, i cili kryhet nga fondet e bashkisë së prekur, përmes fondit për mbrojtjen civile.