Këto janë disa nga momentet e forcave zjarrfikëse në Holandë që përpiqen të fikin zjarrin që përfshiu një anije me flamur të Panamasë që transportonte 3000 makina. Nga flakët humbi jetën njëri prej anëtarëve të ekuipazhit ndërsa u shpëtuan 23 të tjerët. Disa prej të cilëve u hodhën në det për t’i shpëtuar zjarrit që u përhap me shpejtësi në të gjithë anijen. Sipas rojës bregdetare, flakët në anije mund të vijojnë për ditë të tëra ndërsa e vetmja mundësi për të mbajtur situatën nën kontroll është ajo e hedhjes së ujit nga larg. Mediat holandeze raportojnë se shkak për zjarrin dyshohet se u bë njëra prej 37 makinave elektrike që ishte ngarkuar në anije. Anija, “Fremantle Highway”, po udhëtonte nga Bremerhaven në Gjermani për në Portin Said të Egjiptit kur u përfshi në flakë. Pamjet: AFP