Një 35-vjeçar nga Shijaku, pronar i një resorti në Gjirin e Lalëzit, ka mbetur i plagosur me armë zjarri pasditen e së enjtes në zonën e Shkafanes, në Durrës. Ngjarja ndodhi rreth orës 17:45 dhe sipas burimeve zyrtare, dyshohet se gjithçka ka nisur pas një konflikti për motive të dobëta. Nga hetimet paraprake rezulton se autori i dyshuar është një 35-vjeçar nga Tirana, i cili ka qëlluar me pistoletë në drejtim të Mateo Jeshilit, duke e lënë të plagosur në këmbë. Menjëherë pas ngjarjes, i dëmtuari është dërguar në Spitalin Rajonal të Durrësit, ku ndodhet jashtë rrezikut për jetën, nën kujdesin e mjekëve. Burime pranë grupit hetimor bëjnë me dije se i plagosuri nuk ka qenë bashkëpunues në dëshminë e tij, por hetimet kanë zbuluar se ai dhe autori dyshohet të kenë njohje të mëparshme. Policia që ka shkuar në vendin e ngjarjes, edhe përmes pamjeve filmike të kamerave të sigurisë në zonë, ka bërē identifikimin e autorit të dyshuar dhe një bashkëpunëtori të tij, të dy me banim në Tiranë. Ata janë shpallur në kërkim dhe po vijon puna për kapjen e tyre, ndërkoë që hetimet për të sqaruar plotësisht rrethanat e kësaj ngjarjeje vijojnë.