Një kutí e zezë është gjetur në vendin e rrëzimit të avionit të Air India në Ahmedabad, deklaroi të premten ministri indian i aviacionit civil. Të gjithë, përveç njërit prej 242 personave në fluturimin që po udhëtonte drejt Londrës, humbën jetën kur avioni u përplas në një zonë të banuar më pak se 60 sekonda pas ngritjes në ajër, të enjten. Një zyrtar tha për BBC se të paktën tetë persona në tokë gjithashtu kanë humbur jetën. Gjetja e kutisë së zezë përbën një hap të rëndësishëm përpara në hetim” dhe do të “ndihmojë ndjeshëm hetimin” mbi katastrofën, Avionët zakonisht mbajnë dy kuti të zeza – pajisje të vogla por jashtëzakonisht të qëndrueshme për regjistrim elektronik të të dhënave. Njëra regjistron të dhënat e fluturimit, si lartësia dhe shpejtësia. Tjetra regjistron zërat në kabinën e pilotëve, që hetuesit të dëgjojnë çfarë kanë thënë pilotët dhe nëse ka pasur ndonjë zhurmë të pazakontë. AAIB po kryeson hetimin për shkakun e rrëzimit, me ndihmën e ekipeve nga SHBA dhe Britania. Drejtori i përgjithshëm i Boeing tha se kompania po mbështet hetimin. Air India bëri të ditur se në bordin e avionit Boeing 787 Dreamliner, që u rrëzua pak pas ngritjes nga aeroporti ndërkombëtar ishin 169 shtetas indianë, 53 britanikë, 7 portugezë dhe 1 kanadez. Të premten, rrënojat ende ishin të shpërndara në vendin e ngjarjes, përfshirë krahun e djegur të avionit, me pjesë të mëdha të trupit të avionit të futura në ndërtesa. I vetmi i mbijetuar nga aksidenti i cili ishte në sediljen 11A, po rikuperohet ende në spital. “Nuk mund ta besoj ende që dola gjallë,” “Në fillim mendova se do të vdisja. Arrita të hap sytë, çlirova rripin e sigurimit dhe përpoqa të dal nga avioni 40 vjeçari, që pësoi djegie në dorën e majtë, tha se pa ekipin e avionit dhe pasagjerët teksa vdisnin para syve të tij.