Tetë persona humbën jetën dhe 21 të tjerë rezultojnë të zhdukur si pasojë e reshjeve të mëdha këtë javë në shtetin jugor të Brazilit, Rio Grande. Lajmin e ka bërë të ditur Shërbimi i Mbrojtjes Civile, duke njoftuar gjithashtu edhe dëme të mëdha në infrastrukturë. Autoritetet kanë raportuar se janë zhvendosur më shumë se 1,400 persona për shkak të stuhive që çuan në rritjen e nivelit të lumenjve dhe përmbytjeve në pjesë të ndryshme të shtetit, duke prekur 104 bashki, raporton “Reuters”. Sipas një raporti mbi kushtet hidrologjike, Qeveria braziliane ka parashikuar një rrezik përmbytjesh "praktikisht në të gjithë shtetin, duke pasur parasysh vazhdimin e reshjeve të mëdha" në ditët në vijim. Përmbytjet pritet të sjellin probleme në zonat që janë në afërsi të lumenjve, pasi parashikohen edhe rrëshqitje masive të tokës. Guvernatori Eduardo Leite shprehu ngushëllimet për vdekjet e shkaktuara nga stuhitë në platformën e mediave sociale X të mërkurën, duke shtuar se qeveria po punon për të gjetur të zhdukurit dhe për të ofruar sa më shumë siguri në zonat e rrezikuara. Pamjet: AFP