Stuhi të fuqishme kanë goditur gjatë orëve të fundit Nju Jorkun duke shkaktuar përmbytje të shumta në shumë zona. Shumë metro, rrugë dhe autostrada ndodhen nën ujë si pasojë e intensitetit të madh të shirave. Nga moti I keq dhe me reshje I gjithë transporti hekurudhor por dhe ai rrugor u paralizua pasi lëvizja e trenave dhe mjeteve ka qenë pothuajse e pamundur. Për disa orë u mbyll dhe aeroporti LaGuardia. Stuhia u etiketua nga gurvenatorja Kathy Hochul si tejet e rrezikshme dhe për këtë arsye ajo shpalli gjendjen e jashtëzakonshme. “Po shpall gjendje të jashtëzakonshme në Nju Jork, Ishullin Ling dhe Luginën Hudson, për shkak të shiut ekstrem që jemi duke e parë nëpër rajon”, shkroi ajo në X, rrjetin social të njohur si Twitter më parë. Gurvenatorja u bëri thirrje njerëzve të ndërmarrin hapa për të qenë të sigurt dhe të mos tentojnë “të udhëtojnë nëpër rrugët e përmbytura”. Deri më tani nuk ka pasur raportime për viktima apo të lënduar nga stuhia. Ndërkohë të gjitha repartet e forcave zjarrfikëse së bashku me ato të emergjencave civile ndodhen në terren dhe po punojnë për zhbllokimin e pusetave. Pamjet: AFP