Kjo ishte ajo çfarë prodhoi opozita në seancën plenare në parlamentin e Shqipërisë si provë gjeneralë për protestën e 22 Dhjetorit. Deputetët e opozitës Klevis Balliu, Flamur Noka, Saimir Korreshi dhe Belind Këllici nxorën muskujt përballë oficerëve të gardës të cilët tentuan ti largonin nga ulëset e ministrave dhe të mbronin kryetarin e kuvendit Niko Peleshi nga goditjet me shishe. Për ta nuk mungoi suporti deputetëve demokrate femra Elda Hoti, Albana Vokshi Ledina Alolli dhe Denisa Vata. Situata solli ndërprerjen e punimeve parlamentare dhe riktheu skena kaosi të ngjashme me ato të një viti më parë, duke u përdorur nga opozita të njëjtat forma proteste dhe mjete presioni në prag të protestës së 22 dhjetorit. Siparin e kaosit e çeli Flamur Noka kur i zuri vendin Belinda Ballukut duke u vetë ndjerë për pak minuta, si zëvendës kryeministër i qeverisë Rama 4. Pavarësisht kaosit Endi Shabani u betua si avokat I popullit duke i dërguar një puthje me dy gishta 28 firmëtarëve demokratë. Garën e mbajtjes sa më shumë në dorë të flakadanëve e nisi Belind Këllici i cili në fakt i rezistoi përpjekjes së gardës për t’i marrë flakadanin. Deputetja Elda Hoti e cila një vit më parë mundi të fuste në parlament në një shishe parfumi më lëndë djegëse, ia doli më sukses të fshehë flakandët të cilët u ndezën më pas nga Albana Vokshi dhe Fidel Kreka. Në këtë aksion opozitar Gazment Bardhi nuk ishte në ballë të përleshjeve për të mos marrë ndëshkimin, i cili do ta pengonte të merrte pjesë në Këshillin për Mandatet dhe Rregulloren ku të premten do të diskutohet kërkesa e spak për arrestimin e Belinda Balliukut. Përballë këtyre skenave socialistëve iu sos durimi.