Top Channel/ PËRGJIMET/ Si Suel Çela përdori gjyqtaren për të dënuar me 25 vite burg rivalin!
27/11/2024 17:11

Top Channel ka zbardhur disa nga bisedat e dosjes voluminoze të SPAK për grupin kriminal të Suel Çelës, i cili çoi në arrestimin e 18 personave, dy gazetarëve në detyrim paraqitje dhe të një avokateje në arrest shtëpie. Në një bisedë të shkëputur nga dosja, Suel Çela i shkruan bashkëpunëtorit të tij Klaus Matishit se ka kërkuar që gjykata të japë dënimin jo më pak se 25 vite burg për Astrit Sinanaj, anëtari i grupit rival. “Ne duam që ta dënojë 25 e sipër dhe të jetë i papërdorshëm akti i ekspertimit. Ded, ja bana të qartë i vë bombën në shtëpi kush e ndihmon…ma rënd se kaq ça ti thoja…o Ded erdhi tani Landi vet këtu te un…jam burrë më tha s’jam legen të kam than para 2 mujsh ka maru ky muhabet…thuja Fates…nesër janë për vendim…27 thuj Fates…Ded thuj Fates për ne s’ka rëndësi asgjë tjetër përveç ekspertit nul dhe dënimit 25 e sipër…”. Në dosjen e SPAK, thuhet se nga konteksti i bisedave Suel Çela ka ndikuar mbi vendimmarrjen e Gjykatës së Elbasanit ndaj të pandehurit Astrit Sinanaj i akuzuar për vendosjen e lëndëve plasëse në mjetin e shtetasit Fuad Verzivolli i njohur në këto komunikime me emrat “Miri” dhe nofkat “tenja” dhe “Mir tenja”. Marjus Lulaj dyshohet se jo vetëm është këshilluar dhe dakortësuar me gjyqtaren Pajtime Fetahu, e cila ka marrë pjesë në këtë proces në cilësinë anëtarit të trupit gjykues. Pajtime Fetahi ka koordinuar dhe orientuar Marjus Lulaj për veprimet që duhen bërë në këtë gjykatë, por dhe me anëtarët e tjerë të trupit gjykues. Në një nga bisedat Suel Çela shprehet se njërin prej gjyqtarëve të Gjykatës së Shkallës së Parë Elbasan e ka kërcënuar duke i thënë “do të çoj te raviku i thash”, “u sh*rru nbrek”, “e kuptova tha e mora mesazhin“. Referenca për emrin Ravik dyshohet së ka të bëjë me shtetasin Ravik Gurra i ekzekutuar në Elbasan më datë 22.03.2019. Gjatë datës kur është zhvilluar seanca, ka qenë Megi Fetahu, vajza e gjyqtares e cila e ka informuar Klausin se dënimi ndaj Astrit Sinanajt do të jepet 25 vite burg. Pra, Gjykata e Shkallës së Parë Elbasan ka dhënë dënimin prej 25 vite burg për të pandehurin Astrit Sinanaj, duke konfirmuar shkallën e dënimit të cilën vetë Suel Çelaj kishte kërkuar me ngulm tek trupa gjykuese, e përbërë nga Pajtime Fetah, Taulant Tafa dhe Zihni Shahu. Në mbrëmje Sueli komunikon me Metin Mehja të cilit i shkruan “...ai Sinani që vuni bombën Mirit u paketua 25 e dënun…ne pam vidjot që dolën te vrasja ati mirit te autostrada…dhe është po ky Sinani qe e ka vra me 100%…po lëviz gurët t’ja fus nvesh dhe për atë çështje është po ai 100%…pse ti lëm rop q**…”. Pasi iu plotësua “dëshira”, Suel Çela kërkon që t’i bëjë një dhuratë gjyqtares sepse ajo nuk pranonte para dhe për këtë, komunikojnë me vajzën, Megin. “Dhe më tha ça duhet ti bëjmë ndonjë dhuratë se lekë nuk merr. Ti them ti marrë një apple të madh për në zyrë dhe një nga ato mek për shtëpi”-i thotë bashkëpunëtori i Çelës vajzës së gjyqtares. “Asgjë, ça i duhet ça thua. Jo zemër mos i thuaj. Nuk bëhet fjalë se thotë ia kërku kjo. Se unë i thash do të ta blej për ditëlindje. Nuk bëhet fjalë, se mendon që kam thënë unë’-i përgjigjet vajza e gjyqtares. Mbas insistimit të Klausit për ofrimin e një dhurate për Pajtime Fetahun, vajza e saj Megi Fetahu shkruan, ...jepi lek… dhe Klausi e pyt për ta konfirmuar, …Ti japi lek?… Megi i shkruan,… po ti po mthu ca ti blej, unë s’di qe ti duhet gjë, por do ta pys”.

Top News- Momentet e tmerrshme të sherrit me thika/ Të rinjtë nuk ndalin së godituri njëri-tjetrin
03/08 21:54
Top News- Lihen në burg dy ish-ministra/ Akuzohen për korrupsion nga gjykata Serbe
03/08 20:35
Top News- Tentoi të korruptojë policinë/ Arrestohet shtetasi shqiptar në Kosovë
03/08 20:34
Top Channel/ Diploma e dyfishtë. Si arriti studentia e Durrësit të diplomohet edhe në “La Sapienza”
03/08 20:24
Top Channel/ Përmirësimi i turizmit. Ekspertët shpjegojnë se çfarë i mungon turizmit në Shqipëri
03/08 20:21
Top Channel/ Për detin dhe çmimet. Arsyeja pse pushuesit e huaj po pushojnë në Durrës
03/08 20:17
Top Channel/ Trump u provokua nga Putin. Tha se do vendoste raketat “Oreshnik” në Bjellorusi
03/08 20:11
Top Channel/ Përmbarimi ka 49 mijë dosje. Një pjesë do fshihen pasi qeveria vendosi faljen e gjobave
03/08 20:09
Top News- Atentati ndaj Gentjan Bejtes në Larushk/ Kapet një nga autorët, i gjenden 2 pistoleta
03/08 19:52
Top Channel/ Kapet vrasësi i ish-policit Bejtja, Flodian Plaku arrestohet në Orikum
03/08 19:49
Top Channel/ Dash Sula: “Berisha të largojë humbësit”, parashikoj situatë më të keqe për PD-në
03/08 19:43
Top News- Serbia mbledh këshillin e sigurisë, alarmohet Macron, tefonatë urgjente me Vuçiç
03/08 19:33
Top Channel/ Del video, të rinjtë sherr me thika në Vlorë, një vajzë tenton t’i ndajë, por…
03/08 18:57
Top News – Ekzekutimi i rojës në Vlorë, gjykata lë në burg 42-vjeçarin: Ka qenë i përfshirë
03/08 18:27
Top News- Zbardhet shkaku i sherrit me armë në Tiranë, identifikohet autori e bashkëpunëtorët
03/08 17:56
Top News- Kodi i ri Penal, OSBE nuk u pyet: Gati t’u ofrojmë rekomandime konkrete
03/08 15:16
Top News- Policia bën bilancet për korrikun/ Mbi 790 të arrestuar, zbardhen ngjarje kriminale
03/08 15:15
Top Channel/Bankers lëshonte fatura fiktive/Faturuar 100% shërbim “Stand by”, pa kryer asnjë shërbim
03/08 15:08
Top Channel/ Referencat rrisin taksat / Taksa e ndërtesës më e shtrenjtë përgjatë bregdetit
03/08 15:02
Top News- Bllokohen 20 mjete lundruese/ Policia kontroll të gjithë vijës bregdetare
03/08 13:38