Kombëtarja shqiptare nisi sot zyrtarisht përgatitjet për dy ndeshjet e fundit të UEFA Nations League ndaj Çekisë dhe Ukrainës. Ende grupi i lojtarëve nuk është i plotë pasi një pjesë e tyre mbërrijnë mbrëmjen e së hënës apo mëngjesin e së martës në varësi të ndeshjeve me klubet e tyre. Seanca stërvitore e së hënës u zhvillua në në stadiumin “Arena Kombëtare” morën pjesë Ylber Ramadani, Myrto Uzuni, Ivan Balliu, Kristjan Asllani, Ardian Ismajli, Arbër Hoxha, Mario Mitaj, Alen Sherri, Simon Simoni, Elseid Hysaj, Andi Hadroj, Thomas Strakosha dhe Feta Fetai. Me grupin kuqezi u bashkuan dhe një pjesë të mirë të lojtarëve të Kombëtares U-21, që janë grumbulluar në kuadër të dy ndeshjeve miqësore me Moldavinë që luhen në Shqipëri në datat 15 dhe 18 nëntor. Por ashtu si edhe në dy grumbullimet e mëparëshme gjërat nuk kanë shkuar mirë dhe qetë për trajnerin Sylvinho pasi një sërë lojtarësh kryesorë është vendosur që nuk janë në gjendje fizike për të qenë pjesë e grumbullimit dhe ekipit për këto dy ndeshje kaq të rëndësishme dhe përmbyllëse për ekipin tonë në Ligën e Kombeve. Deri më tani zyrtare është sërish mungesa e kapitenit Berat Gjimshiti, Keidi Bare dhe Marash Kumbulla nuk do të jenë pjesë e grupit për dy ndeshjet e nëntorit. Gjimshiti u dëmtua në ndeshjen e fundit në kampionat ndaj Udinese-s, ndërsa Bare dhe Kumbulla ishin të dëmtuar dhe pas komunikimit të stafit mjekësor të Kombëtares me klubet përkatëse është vendosur që futbollistët të vazhdojnë rikuperimin.Sakaq, Rey Manaj ka mbërritur sot në grumbullim dhe i është nënshtruar menjëherë testeve mjekësore pasi edhe gjendja e tij edhe pse I rikuperuar nga një dëmtim që e mbajti më tepër se një muaj jashtë, nuk ishte e duhura. Këshut pas shqyrtimit nga ana e stafi mjekësor u konkludua se sulmuesi nuk mund të rikuperohet në kohë dhe u vendos që Manaj të rikthehet në klubin e tij në Turqi për të vijuar me programin e rekuperimit. Për shkak të këtyre katër mungesave trajneri Silvinjo ka vendosur të grumbullojë për dy ndeshjet e nëntorit Adrian Bajramin, Jon Mersinajn dhe Arbnor Mujën. Lojtarët pritet të bashkohen me kuqezinjtë gjatë të martës për të nisur stërvitjen.