Me përqafime, lot, duartrokitje dhe brohoritje u pritën në atdhe amerikanët që mbaheshin peng në Iran. Ata u bashkuan me familjarët e tyre në bazën ushtarake në Virxhinia, duke përshëndetur rezultatin e një marrëveshjeje në kuadrin e së cilës Presidenti Biden ra dakort për zhbllokimin e 6 miliardë dollarëve të ngrira nga fondet e qeverisë së Iranit. Presidenti Biden tha në një deklaratë se pesë të liruarit se ata janë të pafajshëm dhe se akuzat ndaj tyre për spiunazh ishin të sajuara. “Sot, liria e tyre, liria e këtyre amerikanëve, të mbajtur në mënyrë të padrejtë në Iran për kaq kohë, do të thotë se bashkëshortët dhe bashkëshortet, prindër dhe fëmijë, gjyshërit, mund të përqafojnë sërish njëri-tjetrin, mund ta shohin sërish njëri-tjetrin dhe mund të jenë sërish së bashku” Teherani është treguar mospërfillës për mënyrat se si do t’i përdorë 6 niliardë dollarët e zhbllokuar nga SHBA dhe kritikët thonë se marrëveshja ishte një pagesë për të marrë pengje nga një regjim gjithnjë e më autoritar. Sipas kritikëve, regjimi mund t’i përdorë këto fonde për të vazhduar represionin dhe për të avancuar ambiciet e tij bërthamore. Megjithatë Shtëpia e Bardhë theksoi se zhbllokimi i fondeve u shoqërua me kushte të rrepta. zëdhënës i Këshillit të Sigurisë Kombëtare, John Kirby tha se “Këto fonde do të kenë tashmë kufizime edhe më të forta nga ç’kishin në Kore. Nëse Irani përpiqet të devijojë fondet, ne do të veprojmë dhe do t’i ngrijmë sërish. Gjithashtu dua ta bëj të qartë se kjo nuk është në asnjë mënyrë një pagesë. Nuk është pagesë për pengje. Këto nuk janë para të taksapaguesve amerikanë. Dhe nuk kemi hequr asnjë nga sanksionet tona ndaj Iranit”. Pamjet: AFP