Deuputetët e opozitës e kundërshtuan kandidaturën socialiste të Niko Peleshit për kryetar parlamenti. Morën pjesë në votim duke hedhur në kutinë e votimit foto te personazhe që sipas tyre janë të korruptuar apo të arrestuar nga SPAK, por jo fletën e votimit per kryetarin e ri të kuvendit. Tritan Shehu e theu vendimin e grupit dhe votoi normalisht. Me 84 vota të vlefëshme Niko Peleshi u shpall kryetar i ri i kuvendit të Shqipërisë. Opozita nisi të përplasë tavolinat ndëra Socialistën u cuan në këmbë duke duartrokitur. Fjala e parë e Niko Peleshit si kryetar kuvendi u shoqërua me zhurmën e opozitarëve. Zoti Peleshi ungazhua për një standart të ri të respektimit të kushtetutës dhe rregullores së kuvendit për të cilën natyrisht tha se nuk mjafton vetëm vullneti i tij. Më herët deputetët u betuan. U njoftua lënia e mandatit nga socialdemokratët Tom Doshi dhe Sabina Jorgo. Mungoi në këtë seancë per tu betuar Jozefina Topalli. Deputetët socialist nga grupi i tyre parlamentar morën si dhuratë librin me titull "Lidership" të Henri Kisinger me parathënie të kryeministrit Edi Rama.