Top Channel/Pelegrini irlandez në Shqipëri/Përshkon më këmbë rrugët e lashta, për kauzën palestineze
22/07/2023 18:46

Mick Bowman u nis për në Palestinë nga porti i Calais më 16 prill të këtij viti. Qëllimi i ecjes së tij është për të rritur ndërgjegjësimin për gjendjen e rëndë të refugjatëve dhe shkeljet e të drejtave të njeriut në Territoret e Pushtuara në Palestinë. Aktivisti irlandez që po përshkon në këmbë Evropën me destinacion Bregun Perëndimor në Azi ka mbërritur në Shqipëri. Në itinerarin e tij, 65-vjeccari Mick Bowman ka ndërthurur kalimin nëpër dy rrugë të lashta të Evropës, rrugën Francigena dhe atë Egnatia, dy rrugë simbol të peligrinazhit dhe shkëmbimeve të hershme kulturore dhe tregtare mes popujve. 65-vjeçari kaloi Francën, Zvicrën dhe Italinë për të mbërritur këto ditë në Shqipëri. Vendi ynë është një urë kalimi për të vijuar rrugën e tij të gjatë përmes Greqisë, Turqisë dhe Jordanisë për të arritur në Bregun e pushtuar Perëndimor në Palestinë. “Tani jam në gjysmë të udhëtimit tim për në Palestinë. Kam pasur gjithashtu mundësinë, në tre vendet ku kam udhëtuar, të flas gjerësisht për padrejtësitë e mëdha me të cilat përballet populli palestinez. Unë flas me kolegët e tjerë kur jam duke ecur”, tha Bowman ndërkohë që ndodhet në Shqipëri. Ekskluzivisht për Top Channel ai u shpreh: “Ideja për këtë më erdhi nga libri “Ecje për Jeruzalemin” dhe unë bëra itinerarin tim që ndërthuri rrugën Francigena me atë Egnatia, dy rrugë antike që vijnë deri në ditët e sotme si rrugë që afrojnë vendet dhe popujt.” Libri tregon historinë e një pelegrinazhi nga Londra në Jerusalem në vitin 2017-të, i cili shënoi tre përvjetorë të mëdhenj: 100 -vjetorin e Deklaratës së Balfourit; viti i 50-të i pushtimit ushtarak të Izraelit të territoreve palestineze dhe viti i dhjetë i bllokadës së Gazës. Kanë mjaftuar një palë këpucë të mira, pensioni i tij dhe një çantë shpine për të kryer shtegtimin e jetës, një rrugëtim i vështirë, 2 200 milje, në një verë me temperatura të çmendura. “Para se të dal në pension kam punuar për 3 vjet si këshilltar politik dhe për shumë vite kam qenë punonjës social për shëndetin mendor. Çështja e Palestinës ka qenë shumë e rëndësishme për mua dhe para se të ndërgjegjësohesha politikisht.” Për 12 ditë do të udhëtojë nëpër Shqipëri dhe ka mbetur i befasuar. “Nuk kam qenë kurrë më parë në këtë pjesë të botës, në Shqipëri. As në Maqedoninë e Veriut nga do kaloj dhe e gjithë kjo është një sfidë. Jam vërtet i kënaqur që përshkoj këtë udhëtim në këmbë dhe takoj e flas me njerëz për kauzën që përfaqësoj. Mendoj të kthehem sërish këtu.” Tani tre muaj pas udhëtimit, qëllimi është të tërheqë vëmendjen te pushtimi i Palestinës dhe të frymëzojë më shumë njerëz për të bërë fushatë për ndryshim. “Si çdo mbështetës palestinez, krimet e luftës të Izraelit në Jenin më tërbojnë. Kjo më bëri më të vendosur për të përdorur ecjen time për të rritur ndërgjegjësimin. Më ndihmon që të më mbajë të motivuar gjatë këtyre valëve të të nxehtit, të cilat ndonjëherë mund ta bëjnë ecjen shumë sfiduese”, tha ai. Sipas tij, tashmë ka një interes shumë inkurajues nga media shqiptare dhe mezi pret të ndërtojë ura komunikimi edhe në të ardhmen për të përshkallëzuar çështjen palestineze te sa më shumë njerëz. “Mësova rreth çështjes së Palestinës dhe u bëra aktivist për këtë kauzë. Mendoj që është një padrejtësi e madhe. Shumë palestinezë janë vrarë dhe mes tyre edhe shumë fëmijë. Komuniteti ndërkombëtar dhe kushdo që ka pak ndërgjegjie duhet të reagojë për të ndryshuar sado pak këtë situatë.”

Top News- Pushimet që u kthyen në makth, tmerri që 18-vjeçaria italiane pësoi në Durrës
07/09 12:51
Top News- E paprecedentë/ Kapen 709 kg drogë në Malësi të Madhe, 14 të arrestuar
07/09 12:26
Top Channel/ Fermeri italian, apel për subvencione/ Michele Ricci vendosi të investonte në Vlorë, por tani thotë se i është ndërprerë mbështetja
07/09 12:21
Top Channel/ Korçë, më pak nxënës/3700 më pak se një vit më parë, rrezikojnë të mbyllen disa shkolla
07/09 12:20
Top Channel/ Rruga Egnatia “vishet” me asfalt/ Auron Tare kërkon të ndërhyrë kryeministri
07/09 12:17
Top Channel/ Shpërndarja e librave në Elbasan/ Pritet të ulen në bankat e shkollës 15 mijë nxënës
07/09 12:14
Top Channel/ Ekstradohet Vilson Pepa! Bashkëpunëtor i Çopjave në trafikun e 11 ton kokainë
07/09 12:13
Top Channel/ “Rruga na shpëtoi të gjithëve”/ Qukës-Qafë Plloçë, Rama ndan reagimet e qytetarëve
07/09 12:07
Top Channel/ Shkodër, 14 të arrestuar/ Kishin mbjellë 13 mijë rrënjë kanabis, 10 persona në kërkim
07/09 12:06
Top Channel/ Peng 15-vjeçaren, arrestohet durrsaku/ Prangoset 33-vjeçari, iu gjet edhe një pistoletë
07/09 12:04
Top News- Muzeu i Lundrimit në Shkodër, investimi i ri në hyrje të qytetit
07/09 11:45
Top News- Mbante peng 15-vjeçaren në Durrës/ Arrestohet 33-vjeçari, dyshohet për lidhje intime
07/09 11:17
Top News- Trafikoi 11 tonë kokainë me Çopajt, mbërrin në Shqipëri i kërkuari i SPAK
07/09 10:44
Top News- Inaugurimi i aksit Qukës-Qafë Plloçë, opinionet e qytetarëve
07/09 10:42
Top Channel/ Numër i lartë policësh në Astir! Të bërtitura dhe përplasje mes tyre e qytetarëve
06/09 22:28
Top News- Restaurimi i rrugës ‘Via Egnatia’ në Peqin/ Auron Tare thirrje Ramës-Ndaloni masakrën!
06/09 22:15
Top News- Dyshohet se përdhunoi italianen/ Dalin pamjet e dy të rinjve në plazhin e Durrësit
06/09 22:00
Top News- Vr*sësi me pagesë lë qelinë!/ Nuredin Dumani dërgohet në QSUT, probleme me zemrën
06/09 21:43
Top News- Dyshohet se u përdhunua! Dalin pamjet e dy të rinjve në shëtitoren e plazhit Durrës
06/09 21:39
Top News/ Shqiptari që u gjend afër Bin Landenit dhe që punoi për CIA-n, si donin ta vr*snin rusët
06/09 21:00