EDI RAMA 11 SHTATOR 2025: Zbritja e numrit të deputetëve të Kuvendit në të paktën 101 deputetë, edhe me pak bujrum ta diskutojme, do kishte vetëm impakt pozitiv. Kryeministri ishte i pari që sfidoi opozitën duke propozuar një Parlament më të vogël në numra, por demokratët i mbyllin derën idesë së Edi Ramës, para se ajo të shkojë në tryezën e reformës. OERD BYLYKBASHI, BASHKËKRYETAR I REFORMËS ZGJEDHORE: Do ishte vrastare për pluralizimin. Do të zhdukeshin partitë e vogla. Dikush mundë të thotë ç’na duhen partitë e vogla. Pasoja është që do të zhduket pluralizmi brenda parlamentit dhe mundësia që qeveria të jetë vetëm në dorën e një kryetari partie është shumë e lartë e për rrjedhojë edhe autokratizimi është shumë i mundshëm. Para ndryshimeve kushtetute te vitit 2020, dy partitw e mëdha kanë qenë lokomotivat e koalicioneve me shume vagonë. Bashkëkryetari i reoformës zgjedhore Oerd Bylykbashi në një intervistw për Top Channel paralajmëroi se demokratët do këmbëngulin për rikthimin e kësaj formule.