Eleina Qirici, një nga gratë e kandiduara në listën e PD për Qarkun e Korçës është tërhequr nga gara për zgjedhjet e 11 majit. Qirici një figurë e rëndësishme e PD në Korçë e cila ka mbajtur një pozicion kyç në procesin e rithemelimit ishte pjesë e listës së hapur në garën për zgjedhjet parlamentare, dorëheqjen e saj ja ka paraqitur kreut të PD Sali Berisha duke mos bërë publike arsyet e tërheqjes e saj. Jorida Mulla nga Devolli sipas drejtuesit politik të qarkut Korçë Ivi Kaso është ajo që do të mbajë në listë vendin e Eleina Qiricit e cila përgjatë karrierës së saj politike numëron pozicione të rëndësishme si nënkryetare e Kuvendit Kombëtar , anëtare e kryesisë të Këshillit Kombëtar, ish deputete, anëtare e komisionit të rithemelimit etj. Një tjetër ndryshim në listën e Korçës ka qenë edhe largimi i Ernest Koce i cili përfaqësonte minoritetin maqedonas ndërkohë që vendin e tij e ze Fidel Kreka i cili në primare mori 355 vota në gjithë qarkun.