Meta, Kryemadhi dhe Basha heshtin prej ditësh përpara skandalit me faturat e hoteleve te Ahmetajt Ilir Meta, Monika Kryemadhi, Lulzim Basha dhe shumica e deputetëve të opozitës po heshtin prej ditësh ndaj denoncimeve të mediave, sesi ish Ministri Arben Ahmetaj ka fjetur në hotele të paguara nga shtetasi në kërkim Klodian Zoto, dhe sesi prokurorët e SPAK kanë fshehur provat dhe kanë devijuar hetimet. I vetmi që ka folur për implikimin e Ahmetajt me faturat e hoteleve të Zotos, është Sali Berisha, por dhe ai është mjaftuar me vetëm një deklaratë për media. Pjesë e heshtjes janë dhe disa media të ashtuquajtuara opozitare, të cilat nuk kanë pasqyruar asnjë faturë të hoteleve të Ahmetajt. Por për çfarë i duhet opozita shqiptareve, kur minimalisht nuk i shërben interesave të qytetarëve dhe ngre dyshime për pazare me segmente të qeverisë, siç është rasti i Ahmetajt. Denoncimet e fundit tregojnë qartazi për një skenar bashkëpunimi mes Arben Ahmetajt dhe Ilir Metës për denoncimin e çështjes së incenetatorëve. Heshtja e Metës, e bashkëshortes së tij Monika Kryemadhi dhe gjithë deputetëve të Partisë së Lirisë, është dukshëm një mesazh që Ahmetaj është njeriu i tyre. Madje ne deklaratat e Kryemadhit, thuhej se Ahmetaj ishte i papërlyer ne ceshtjen e inceneratatorve.