Forcat e ushtrisë do të mbështesin bashkitë për të garantuar menaxhimin sa më të mirë të vijës bregdetare. Zv.kryeministrja, Belinda Balluku e shoqëruar nga ministri i mbrojtjes, Pirro Vëngu inspektuan disa plazhe që vizitohen përmes detit, të cilët deklaruan se pastërtia e bregdetit është prioritet i qeverisë dhe kjo arrihet me bashkëpunimin e autoriteteve. “Ne e konsiderojmë në këto momente të një rëndësie të vecantë ndërhyrjen e ushtrisë, qoftë nga toka, me trupat që mund të ndihmojnë bashkitë, qoftë edhe nga deti. Ndërkohë që do të duhet që pas përfundimit të sezonit të bëjmë një analizë të mirëfilltë të të gjithë situatës për të nxjerr mësime nga ky numër i shtuar”. “Është absolutisht e nevojshme që roja bregdetare, sidomos në sezon të ketë një koordinim shumë të madh me njësinë detare të policisë kufitare dhe me bashkitë, të cilat duhet patjetër te kenë një kontroll të territorit dhe të mobilizohen në këto zona që mund të jenë me akses të vështirë por që janë shumë të frekuentura”. Kontributi i ushtrisë shihet si i nevojshëm për të pasur një sezon turistik të suksesshëm, por kërkohet gjithashtu ndërgjegjësimi i pushuesve dhe operatorëve turistikë për të mbajtur pastër plazhet. “në përfundim të sezonit ne duhet të bëjmë një plan të mirëfilltë masash”.