Elton Ilirjani ka dhënë një lajm të bukur këtë pasdite, teksa bën me dije se këngëtarja e madhe Parashqevi Simaku ka komunikuar me djalin e saj dhe ish-bashkëshortin përmes një video-konference. Postimin ai e ka bërë në rrjetet sociale, ndërsa një ditë më parë njoftonte se kishte rënë në kontakt me të birin e këngëtares, dhe se po mundohej që ata të kishin një komunikim. Ai tregoi se këngëtarja kishte 8 vite që priste ta takonte dhe të komunikonte me të birin. Parashqevi Simaku u rikthye në publik këtë dhjetor 2024 pas pothuajse 30 vitesh jashtë syrit të medias dhe larg publikut. Edhe pse ndoshta nuk ishte mënyra sesi ajo do të donte të rikthehej, e ndoshta as publiku që aq shumë e do nuk do kishte preferuar ta rishihte kështu, por me rëndësi është që ajo është mirë e tashmë mes miq që po përpiqen t’i qëndrojnë pranë, ta dëgjojnë dhe ta ndihmojnë. Ishte biznesmeni Elton Iliriani i cili pas publikimit të videove në rrjete sociale së bashku me një zonjë që e takoi në stacionin e trenit, ra në kontakt me të dhe pasi e takoi, vendosi që ta merrte dhe ta strehonte për disa kohë në një hotel. Ai u vu dhe në kontakt me familjarët e saj në Shqipëri duke i siguruar se tashmë është mirë dhe se do të jetë ai që do të kujdeset për të që çdo gjë të shkojë më së miri dhe që Diva e skenës shqiptare të ringrihet në nivelet që publiku shqiptar e njohu dhe e deshi. Ai tregonte se e vetmja dëshirë e madhe e saj, ishte të rigjente djalin e saj, dëshirë e cila sot u finalizuar.