Papa Leo pati një takim me aktorë dhe regjisorë të Hollywoodit në Vatikan, duke u bërë thirrje figurave të njohura si Cate Blanchett (Kejt Blanshet), Vigo Mortensen dhe Monika Beluçi që të vazhdojnë punën si “pelegrinë të imagjinatës” dhe të ndihmojnë për të “sjellë shpresë”. Takimi me yjet e kinemasë u pa si moment simbolik për Papën ende relativisht të ri dhe një mënyrë që Kisha Katolike të angazhohet më shumë me botën përtej mureve të saj. Ngjarja ishte gjithashtu shenjë e fortë mbështetjeje nga Leo i XIV për industrinë globale të filmit, teksa ai shprehu shqetësimin për rënien e shikueshmërisë në kinema. Regjisori Spike Lee (Spajk Li) e quajti këtë “ditë të jashtëzakonshme”, ndërsa takimi u vlerësua si i pari i këtij lloji në Vatikan.