Papa Françesku ka pritur për herë të parë në Vatikan kryeministrin hungarez Viktor Orban të cilin e falenderoi për pritjen e refugjatëve nga lufta në Ukrainë. Orban i cili sapo ka fituar mandatin e tij të katërt në krye të vendit, ftoi Papën të bëjë një vizitë zyrtare në Hungari. Ata biseduan kokë më kokë për rreth 40 minuta në librarinë e kryepriftit teksa zyrtarët thanë se nuk do të ketë deklaratë për media pasi vizita është private. Në pamjet e televizionit të Vatikanit shihej Papa që i jepte Orban një medalje të Shën Martin Tours, shenjtori i shekullit të katërt që lindi në atë që është sot Hungaria. Sipas legjendës, Shën Martin kishte prerë përgjysmë pallton e tij dhe e kishte ndarë me një lypës. Hungaria llogaritet se ka pritur rreth 625,000 refugjatë nga lufta, por 80% e tyre kanë vijuar më tej, sipas qeverisë hungareze. Sipas mediave, Orban tha se Papa e kishte nxitur të "mos hiqte dorë nga ku zakon i mirë," duke iu referuar pritjes së refugjatëve.