Në Lahore, qyteti i dytë më i madh i Pakistanit, familjet kishin dalë sot për banjë në lumenjtë e qytetit prej valës së të nxehtit që ka përfshirë vendin. "Kjo është e vetmja mënyrë për të përballuar nxehtësinët, çfarë tjetër të bëjmë?" thotë Abbas Ali, i cili ka ardhur me të birin. Ndërprerjet e energjisë elektrike kanë vështirësuar jetën për miliona njerëz në Indi e Pakistan prej ardhjes së hershme të temperaturave verore. Në shtetet veriore indiane janë disa dhjetra zjarre që kanë shpërthyer javët e fundit, duke shkatërruar pyjet e pishave. "Grupe zjarrfikësish po punojnë për shuarjen e zjarreve dhe për të shpëtuar kafshët e egra”, tha për rrjetin AFP zyrtari pyjor indian Ajay Srivastava. Gjatë javës së fundit qytetet dhe fshatrat në Pakistan kanë parë ndërprerje të shumta të energjisë elektrike. "Ka një krizë energjitike në vend dhe po bëhen ndërprerje për të reduktuar ngarkesën”, tha ministri i energjisë duke fajësuar për ndërprerjet "defektet teknike". Pamjet: AFP