Administrata e presidentit Joe Biden njoftoi se do të heqë Kubën nga lista e shteteve që sponsorizojnë terrorin, një veprim i ndërmarrë në prag të lënies së pushtetit. Ish-sekretari i Shtetit Mike Pompeo e caktoi Kubën si një sponsor shtetëror të terrorizmit në janar 2021, vetëm disa ditë para se të largohej nga detyra, duke thënë në atë kohë se Havana “po ofronte mbështetje për aktet e terrorizmit ndërkombëtar në dhënien e një porti të sigurt terroristëve” pasi refuzoi të ekstradoheshin udhëheqësit e një organizate guerile. Pompeo akuzoi kombin për refuzim të angazhimeve të tij të marra kur Presidenti Barack Obama i hoqi ata nga lista e shteteve sponsorizuese të terrorizmit në vitin 2015. Kuba ka qenë një nga vetëm katër vendet e përcaktuara si shtete sponsorizuese të terrorizmit, së bashku me Korenë e Veriut, Iranin dhe Sirinë. Gjatë gjithë administratës së Bidenit, zyrtarët kubanë kanë kërkuar heqjen nga lista të vendit të tyre si një sponsor shtetëror i terrorit. Sipas CNN kjo masë nuk do të zgjasë shumë, pasi administrata e Trump është e mbushur me zyrtarë të ashpër ndaj Kubës.