“Irani ka material për të prodhuar 15 bomba bërthamore”: Me këtë argument, Izraeli sulmoi Republikën Islamike duke përdorur më shumë se 200 avionë bombardues për sulmin e furishëm që thuhet t`i ketë kushtuar jetën të paktën 2 sdhkencëtarëve kryesore atomike iranianë dhe këshilltarit të ajatollahut Khamenei, Ali Shamkhani. Në mesin e shënjestrave të ofensivës izraelite ishte dhe selia komanduese e Gardës Revolucionare Islamike (IRGC) në Teheran; Agjencia iraniane e lajmeve, Tasnim pohoi se nga bombardimet ka mbetur i vrarë një nga komandantët e saj, Hossein Salami. Sipas televizionit shtetëror iranian, shefi i ushtrisë iraniane, Mohammed Bagheri u vra nga sulmet izraelite. Gjeneralmajori "vdiq si martir", raportoi televizioni iranian. Objekti i pasurimit te uraniumit në Natanz u godit “disa herë”, raportoi televizioni shtetëror, duke treguar pamje me tym të dendur që ngrihej nga vendi. Zona të banuara në Teheran dhe në disa qytete të tjera u goditën gjithashtu, sipas agjencisë zyrtare të lajmeve IRNA, e cila raportoi se sulmet shkaktuan vdekjen e disa njerëzve, përfshirë gra dhe fëmijë, në një kompleks banimi në kryeqytet…