Shtetet e Bashkuara të Amerikës po përballen me një record vrasjesh për gjahstë muajt e parë të vitit 2023, teksa u raportuan 28 vrasje masive me 140 viktima. Të vrarë me armë ose në mënyra të ndryshme, një pjesë e tyre nga të afërmit, kanë shënuar bilancin më vdekjeprurës të paktën që nga viti 2006. Vrasjet masive përkufizohen si dukuritë kur katër ose më shumë persona vriten, duke mos përfshirë sulmuesin, brenda një periudhe 24-orëshe. Sipas të dhënave të publikuara nga Associated Press dhe USA Today, thuhet se janë shënuar 27 vrasje në gjashtë muajt e gjysmës së dytë të vitit 2022. Ekspertët konsiderojnë shkaktarët kryesorë për rritjen e numrit të vrasjeve masive rritjen e popullsisë dhe rritjen e numrit të armëve në SHBA. Por kaosi i gjashtë muajve të parë të vitit 2023 nuk dënon automatikisht gjashtë muajt e fundit. Pjesa e mbetur e vitit mund të jetë më e qetë, pavarësisht dhunës më të madhe gjatë fundjavës së festave të katër korrikut. Këto raste më të shpeshta të dhunës kanë nxitur përpjekjet për reformim të ligjit për armët e zjarrit. Por, pavarësisht numrit rekord të vrasjeve masive, Shoqata Kombëtare e Armëve kundërshton ashpër ndryshimin e këtij ligji. Pamjet: AFP