Këngëtari i njohur Rigels Rajku, i njohur me emrin e artit “Noizy”, ka reaguar në një postim në Instagram, pak pasi doli nga burgu, pas vendimit të Gjykatës së Durrësit, që e la të lirë. Artisti e nisi me falenderime deklaratën e tij, duke përmendur fansat, miqtë dhe familjarët, të cilët e kanë mbështetur gjatë qëndrimit të tij në paraburgim. “Në mungesë disa dashuri shkëlqejnë me fort”, shkruan Noizy, duke shtuar se: “Nuk do ta harroj kurrë”. Po këngëtari nuk la pa përmendur edhe rastin në fjalë për të cilën akuzohet, ku thekson se është është person që bën muzikë, art dhe biznes, që nuk kanë lidhje me dhunën, ndërsa shpreh respekt për drejtësinë. Pasi la ambientet e paraburgimit, ku e prisnin miqtë, Noizy shkoi pranë familjes, kur u prit me emocione. Në një video të publikuara nga vetë ai, duket e ëma që derdh lot gëzimi për djalin e saj. Burimi: Noizy/ Instagram