Administrata “Trump” njoftoi një shpërblim prej një mijë dollarësh për çdo emigrant të paligjshëm që "vetëdeportohet". Zyrtarët në Uashington, ata e përcaktojnë masën si një mënyrë për të “lehtësuar kthimin në vendet e origjinës”, duke sqaruar se paratë do të paguhen pasi kthimi të jetë konfirmuar nëpërmjet një aplikacioni të posaçëm. Ndërkohë, Presidenti i Shteteve të Bashkuara ka njoftuar se synon të rihapë burgun e Alcatraz dhe të vendosë tarifa për filmat e huaj. Ai po ashtu komentoi të hënën edhe foton i shfaqej si Papë, duke thënë se katolikëve u pëlqeu. "Nuk kam të bëj fare me foton time të veshur si Papa, ndoshta është krijuar me inteligjencë artificiale. Por katolikët e pëlqyen. Melania tha se ishte e lezetshme", theksoi presidenti. Por për shefin e shtëpisë së bardhë nuk ka vetëm lajme të mira. Prokurorët e përgjithshëm nga 18 shtete të udhëhequra nga demokratët kanë ngritur një padi kundër administratës Trump duke sfiduar një urdhër ekzekutiv të nënshkruar nga Donald Trump në janar që bllokon zhvillimin e energjisë së erës në det të hapur në ujërat federale. “Kjo administratë po shkatërron një nga burimet me rritjen më të shpejtë të energjisë së pastër, të besueshme dhe të përballueshme në vendin tonë”, tha Prokurorja e Përgjithshme e Nju Jorkut, Letitia James, e cila kryeson koalicionin prej 18 shtetesh.