Partitë politike në Kosovë, të shtunën nisën fushatën zgjedhore për parlamentaret e 9 shkurtit. Koalicioni AAK-NISMA ditë e parë të fushatës e nisi me homazhe pranë varrezave të familjes Jashari në Prekaz të Skenderajt. Kandidati për kryeministër nga Koalicioni për Kosovën Fituese, Ramush Haradinaj u shpreh se pikënisja për çdo gjë është Prekazi. DEK Ramush Haradinaj – kandidat për kryeministër, koalicioni AAK-NISMA Prekazi është betimi ynë për shtet e atdhe, për liri e për demokraci, prej këtu nisemi drejt parlamentit të Kosovës. Zhvillimi ekonomik, rritja e pagave dhe mirëqenia më e mirë e qytetarëve të Kosovës qenë premtimet në ditën e parë të fushatës nga Bedri Hamza, kandidatit për kryeministër i Partisë Demokratike të Kosovës. DEK Bedri Hamza – kandidat për kryeministër, Partia Demokratike e Kosovës Vizioni im për një Kosovë më të fuqishme ka në themel hapjen e vendeve të reja të punës, ka edhe rritjen e pagave në sektorin privat përmes rritjes së mbështetjes për biznese. Me ndryshimin si mision, Lidhja Demokratike e Kosovës e hapi fushatën zgjedhore. Kandidati për kryeministër nga kjo parti, Lumir Abdixhiku nuk u rezervua në kritikat për qeverisjen në shkruaje. DEK Lumir Abdixhiku – kandidat për kryeministër, Lidhja Demokratike e Kosovës Le tu themi qartë, le tu themi thjeshtë, le tu themi zëshëm nga kjo sallë, nëpër çdo cep të Kosovës, le tu themi cep më cep, paratë e vjedhura do t’i ktheni cent më cent. E partia në pushtet, Lëvizja Vetëvendosje, e nisi fushatën në Gjakovë me lëvdata për punën e qeverisë se udhëhequr prej tyre, duke kërkuar edhe një mandat tjetër. DEK Albin Kurti – Kryeministër i Kosovës Të dashur të pranishëm, për rininë e kemi punësimin, për gratë barazinë, për fëmijët i kemi shtesat, për opozitën e kemi opozitën, për Serbinë e kemi policinë e ushtrinë e dialogun. Zgjedhjet parlamentare në Kosovë do të mbahen më 9 shkurt.