Nuk është gjetur konsensus për çështjen e presidentit mes kryetarit të LVV-së, njëherësh edhe kryeministër, Albin Kurti, dhe kryetarit të LDK-së, Lumir Abdixhiku. Kurti deklaroi se nuk ka zhvillime të reja, por u shpreh se "me takime dhe biseda të tilla mund të arrihet një marrëveshje”. Edhe Abdixhiku ka thënë se nuk është arritur ndonjë konsesus me kryeministrin Kurti, por që takimet po vazhdojnë dhe se palët po përpiqen të arrijnë deri te një zgjidhje. Koalicioni qeverisës i udhëhequr nga Vetëvendosje ka 66 deputetë, 14 më pak se numri minimal i ligjvënësve që kërkohen për të votuar në dy rundet e para për ta zgjedhur presidentin.