Kosovarët votuan të dielën në zgjedhjet parlamentare, një proces kyç për të ardhmen politike të vendit. Sipas shifrave paraprake, partia në pushtet, Vetëvendosje, është në rrugën e duhur për të fituar numrin më të madh të votave. Megjithatë, ky rezultat nuk i siguron asaj një shumicë absolute, duke e detyruar të negociojë me partitë e tjera për të formuar një koalicion dhe për të udhëhequr qeverinë e ardhshme. Reuters raportoi se, megjithëse Vetëvendosje, partia e kryeministrit Albin Kurti, pritet të dalë e para, ajo ka pësuar një rënie të ndjeshme në krahasim me zgjedhjet e vitit 2021, kur fitoi mbi 50% të votave. Sipas sondazheve të daljes, Vetëvendosje ka pësuar një tkurrje dukshme, por ende e mjaftueshme për ta pozicionuar atë si forcën kryesore politike në vend. Euroaktiv shkruan se një zgjidhje e shpejtë dhe e lehtë nuk pritet për qeverinë e ardhshme. Një prej çështjeve më të rëndësishme që do të ndikojnë në formimin e qeverisë dhe në prioritetet e saj mbetet çështja e normalizimit të marrëdhënieve me Serbinë. Edhe pse procesi ka ngecur dhe bisedimet janë të bllokuara, pas zgjedhjeve mund të ketë një ringjallje të këtyre negociatave. Por, siç shkruan