Nga dorezat e Grace Kelly-t tek ato të ushtrisë, nga prosperiteti tek falimentimi, Maison Fabre, një prodhues dorezash për katër breza në Millau, në Aveyron, ka përjetuar gjithçka në njëqind vite ekzistencë të kompanisë. “Kjo punë, gjithë jetën, jam zhytur në të”, thotë 83-vjeçarja Louis Fabre, që nuk e fsheh krenarinë para djemëve të saj, Olivier, 51 vjeç dhe Jean-Marc, 58 vjeç, që vazhdojnë sagën e nisur në vitin 1924 nga stërgjyshi i tyre, Etienne. "Ua dhashë gjithçka fëmijëve” thotë ajo ndërsa shton se mbajtja gjallë e kësaj kompanie nuk ka qenë e lehtë gjatë një shekulli histori. Deri në vitet 1960, Millau, i njohur si kryeqyteti i dorezave dhe lëkurës, për shkak të traditës së mbarështimit të qengjit, kishte deri në 80 kompani të dedikuara. Por sot kanë mbetur vetëm pesë, duke përfshirë Maison Fabre, më e vjetra. Sektori nuk i ka rezistuar braktisjes graduale të veshjes së dorezave, shoqëruar me konkurrencën nga vendet e tjera, të kryesuar nga Kina. Maison Fabre gjithashtu pothuajse u zhduk. Në vitin 1995, ajo humbi tregun e ushtrisë, për të cilin prodhonte më shumë se 160,000 palë doreza në vit. Rezultati: paraqitja e falimentimit “në një muaj”, kujton Louis. Por kompania rifilloi disa muaj më vonë dhe, nën udhëheqjen e Olivier, favorizoi pozicionimin e nivelit të lartë. Një dorezë Fabre, kushton rreth 120 dhe 350 euro, zgjat një jetë,. Ndër klientët e kësja kompanie është dhe Madona, Beyonce por dhe shumë artistë të tjerë.